Santos Indurain Orduna Nafarroako Osasun Kontseilaria Malerreka eta Bertizaranako gurasoekin bilduko da gaur, Osasun Zentroan. Gurasoek, ordea, «ezinegona» adierazi nahi diote eta horretarako egin dute kontzentrazioa egiteko deialdia, bide batez, «komunikabideetan ahotsa izateko; komunikabideetan agertzea baita min gehien ematen diena». Aldarrikapen kartela eskuan haurrekin joateko mezua zabaldu dute.
Bildutako sinadurak Nafarroako Gobernuko Osasun Departamentura bidali zituzten gurasoek, Malerreka eta Bertizaranako haurrendako pediatria zerbitzua bermatzeko eskatzearekin batera. Duela bi bat aste Osasun Departamentutik kaltetutakoekin biltzeko asmoa zuela jakinarazi zieten eta Doneztebeko Osasun Zentrora bisita egiteko asmoa adierazi zuten. Horren ondotik dator gaurko bilkura.