Larunbatean 09:00etan elkartean gosaltzeko bilduko dira eta indarrak hartu ondotik, haurrak eta helduak elkarrekin etxez etxe puskak biltzen ibiliko dira. Agerralde donamariar akordeoilaria izanen dute etxez etxeko itzulian bidelagun. Goizeko harat-honaten ondotik, 14:00 aldera mahaiaren bueltan bilduko dira. Elkartean bazkalduko dute eta arratsaldean goizean gelditzen diren etxetara bisita eginen dute inauterizaleek.
Gauean, 21:00etan, berriz, afaltzeko elkartuko dira, aldi honetan Herriko Ostatuan. Nahi duenak izanen du afarira joateko aukera, baina aitzinetik ostatura deitu beharko du izena emateko. Afalondoan besta luzatu nahi duenak ez du aitzakiarik izanen, gorputza astindu bidenabar, Agerralderen doinuekin dantzarako aukera izanen du.