Mendi Abesbatzaren 25. urteurreneko ospakizunen artean, asteburu honetan Beasaingo Xabier Sarasola piano jole, bibolin jole, zuzendari eta konpositorearekin tailerra antolatu dute. Larunbatean Mendi Abesbatzako kide nagusiekin ariko da lanean eta igandean, berriz, Mendi Ttiki abesbatzakoekin.
Larunbatean egun osoz ariko da Mendi Abesbatzarekin lanean, bere hainbat obra oinarri hartuta: Ave Maria, Neskatx' ederra, Pater Noster, Errukarria, Zure boza, baita berak moldaturiko Ken Zazpi taldearen Itsasoa gara ere.
Igandean berriz, Mendi Txiki abesbatza izanen da konpositorearen aginduetara lanean ariko dena.
Tailerrean egindako lana ondoko kontzertuetan argitara emanen dute bi abesbatzek, dudarik gabe.