Erreka Guraso Elkarteak eta Udalak antolatuta, otsailean bi zinema emanaldi eskainiko dituzte Donezteben: igande honetan, otsailak 9, eta hilabeteko azken igandean, 23an. Igande honetan, Erreka guraso elkartearen eskutik, 16:30ean hasita, Dumbo filma pantailaratuko dute. Dumbo klasikoaren bertze bertsio bat da, pertsonaia errealak sartuta. Sarrera euro bat ordaindu beharko da. Udalak antolatutako bigarren emanaldian, berriz, Oscar sarietarako hamaika izendapen lortu dituen Joker filma ikusteko aukera izanen da, kasu honetan, sarrera bi euro ordainduta. Bigarren emanaldi hori 18:30ean hasiko da.