Otsail hasierarekin batera, iturendarrei mozorroak gordetzeko eta atseden hartzeko tenorea ailegatu zaie. Larunbata, hilaren 1a, izan zuten hondarreko eguna. Inauterietako otorduak kitatzeko hitzorduaren bueltan, egun osoko egitaraua antolatu zuten. Goiz erdian, dantzari gaztetxoen emanaldia eta herritarren arteko herri-kirol erronka izan zen ikusgai. Bi ikuskizunek ikusmira handia eragin zuten.
Eguerdian, ohi bezala, bertso bazkarian bildu ziren. Soto eta Zubeldiak erronka bikoitza izan zuten. Izan ere, bertsoen doinu eta errimei joareena gehitu zitzaien. Mahaiaren bueltan bildu ziren 170 lagunek giroari segida emateko, Hauspolariek taldearen eskutik, dantzaldia izan zuten.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.