Ikasleei kontatu dienez, 1976. urtean hasi zen Paularen aita, Benito Sanzberro, neurketa hauek erregistratzen, eta ondoren, berak hartu zuen neurketen erreleboa. Zein datu hartzen dituen aipatu du; eguneko tenperatura altuena, baxuena, hezetasuna, momentuan dagoen tenperatura eta prezipitazio kantitateak erregistratzen ditu.
Hilabete baten erregistroa osatzen duenean (egunero egiten du erregistroa), Iruñera bidaltzen ditu datuak. Hauekin, zonaldeko eta Nafarroako banaz bertzeko datuak ateratzen dituzte.
Sunbillako eskolatik adierazi dutenez, «adi eta gustora egon ziren ikasleak Paularen azalpenak entzuten. Mila esker Paula!».