Julian Iantziren ustez, «sare sozialetan milaka lagun ditut eta horietako hamarrek, gehienetan anonimoak, egiten duten kanpaina haizatu egin du komunikabideren batek». Alde horretatik, edozeinekin solastatzeko eta iritziak elkartrukatzeko prest dagoela adierazi du lesakarrak, baina beti ere, gogoratuz, «helburua ez dela dirua lortzea, Euskal Herriko ohiturak eta kultura ezagutzera ematea baizik». Iantzik dioenenez, «Munduan barrena gabiltza eta atzerritarrak gara gure herrian».
Inauteriak ezagutzeko antolatua duten txangoak sortu duen ezinegonarekin harritua dago Julian Iantzi
«Euskal Herria ezagutzen laguntzeko asmoarekin egiten dugu, ez etekin ekonomikoa ateratzeko» adierazi du aurkezle lesakarrak
Ituren eta Zubietako inauteriak ezagutzeko Itsaslur agentziaren bidez antolatutako txangoak sare sozialetan eta zenbait komunikabidetan harrotu duen hautsarekin «harritua» agertu da Julian Iantzi eta «bere inpotentzia» adierazi nahi izan du telebista aurkezle lesakarrak. «Bertze hainbat herri eta natur eremutara antolatu ditugu horrelako ateraldiak, Euskal Herria ezagutzera emateko bertze modu bat da eta helburua ez da etekin ekonomikoa, gainera ez baitu horretarako ematen ere. Turismo jasangarria sustatu nahi dugu, gehienez ere hamar laguneko taldea osatuko dugu eta Ituren eta Zubietako inauteriak barrenetik ezagutzea nahi dugu, bertako Tito Gorostiaga gidariarekin. Ez dago bertzerik».
Erlazionatuak
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun