Iaz antolatu zuten lehenengoz futbol txapelketa. Nafarroan Alboko Esklerosi Amiotrofikoa duten gaixoak eta haien senitartekoak biltzen dituen elkarteari laguntzeko helburuarekin. Abenduaren 6an, ortziralean, izan zuten bigarren edizioa eta aurrenekoa bezain arrakastatsua izan zen; parte-hartzea handia, kirolean giro jator eta goxoan, gaixotasuna ikustaraztea lortu zuten.
Kirol arloko hainbat ordezkarik ere bat egin zuten hitzorduarekin: bertzeak bertze, Nafarroako Futbol Federazioko ordezkariek, Koteto Ezkurrak, Jabier Eseberrik eta Agustin Gajatek. ANELAko ordezkariek eskerrak eman nahi izan dizkiete parte-hartzaile guztiei.