Mendiaren eguna antolatu du Doneztebeko Erreka elkarteak abenduaren 15erako

Ama Dablam mendira egindako emakumeen espedizioa izanen du hizpide Patricia Viscarret mendizaleak.

Igande goizean mendi irteera Bonozorrotzera, eguerdian poteoa eta bazkaria eta arratsaldean, Patricia Viscarret mendizale nafarraren solasaldia eta proiekzioa izanen dituzte

 

Doneztebeko Erreka Kirol Elkarteak Mendiaren Eguna antolatu du abenduaren 15erako. Igandean 07:30ean autobus geltokitik abiatuta mendi irteera eginen dute Bonorozorrotzera. 12:30ean poteoa egiteko bilduko dira eta 14:30ean bazkaltzeko. 18:00etan, Patricia Viscarret mendizale nafarraren eskutik solasaldia eta proiekzioa antolatu dute zine aretoan. 6.812 metroko garaiera duen Ama Dablam gailurrera egindako emakumezkoen espedizioaren inguruko Ama Dablam, alma de mujer dokumentala ikusgai izanen da.

Eguberri mugituak

Urtero bezala, Eguberri inguruan, Mendi Egunaz gain bertze hainbat ekitaldi antolatu ditu Errekak. Abenduaren 20an, 20:00etan Errekaren Eguberriko saskia zozketatuko dute. Abenduaren 21ean, Erreka eta Anaitazarraren arteko eskubaloi partida jokatuko dute eta ondotik, eskubaloi talde guztien aurkezpenak eginen dituzte.

Abenduaren 24an Saioara mendi irteera eginen dute (07:30ean autobús geltokian) eta abebnduaren 31n Mendaurrera mendi irteera eginen dute (07:30ean autobús geltokian. Urtezahar eguneko arratsaldean, 18:00etan, Doneztebeko XIV. San Silvestre lasterketa eginen dute, Udaletxe paretik abiatuta. Aurten, ANELAren (Asociación Navarra de Esclerósis Lateral Amiotrófica) aldeko lasterketa izanen da.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun