Eguberrietako Areto Futbol Txapelketa antolatu du Doneztebe Futbol Taldeak

Ttipi-Ttapa 2019ko abe. 3a, 15:00

Izen-ematea abenduaren 11 baino lehen egin beharko da

Aitzineko urteetako arrakasta errepikatzeko gogoz, aurten bederatzigarren urtez Eguberrietako Areto Futbol Txapelketa antolatu du Doneztebe Futbol Taldeak. Partidak abenduaren 20tik 31ra jokatuko dituzte eta finala hondarreko egunean eginen dute.

Izena emateko bi bide daude: doneztebefutboltaldea@gmail.com helbidera idatzita edo Whatsappez 676 92 68 82 telefonora idatzita. 150 euro ordaindu beharko dira parte hartzeko.

Gainerakoan, txapelketako lehenbiziko lau sailkatuek saria jasoko dute: trofeoa eta 500 euro, txuletak eta ardoa, urdaiazpikoa eta ardoa eta ardo botilak, hurrenez hurren. Horrez gain, atezain eta jokalari onenek, pitxitxiak eta finaleko onenak ere oroigarriak jasoko dituzte.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun