Aipatzekoa da 50. urteurrenean omenaldia egiteaz gain, 2013an herriko bestetako suziria bota baino lehen ere omenaldi ttiki eta hunkigarria egin zitzaiola Don Basiliori. Urte berean Santiburtzio eguneko Meza Nagusia berezia izan zen. Basiliori herriko abesbatzak nola txistulariek beraien irakasle izateagatik detaile pare bat egin zizkioten. Txistulariek mezan kanta bat eskaini zioten eta, bukaeran, lau bertso kantatu zizkioten, akordeoilari eta txistulariekin.
2012an Basilio Sarobe Sunbillako erretoreak liburu dohaintza garrantzitsua egin zion Euskaltzaindiari. Esku pilota lagundu izan zuen eta baita Ameriketara artzain edota herritik kanpora ikastera joandako sunbildar gazteak ere.