'Berdintasunari konta eta kanta' tailerra
Azaroaren 22an, ostiralean, izanen dute lehendabiziko hitzordua. Zehazki, hiru eta hamabi urte bitarteko gaztetxoei bideraturiko 'Berdintasunari konta eta kanta' tailerra izanen dute. Ludotekan bilduko dira, 18:00etan eta Haizea Loira musikoterapeuta izanen dute gidari.
Inauteriei buruzko hitzaldia
Biharamunean, larunbatean, berriz, inauterien bilakaerari buruz solastatzeko elkartuko dira. Ludoteka izanen dute bilgune, 19:00etan. Hitzaldia Aitzpea Leizaolak, Antropologian eta hizkuntzalaritzan lizentziatua den Euskal Herriko Unibertsitateko irakasleak, bideratuko du eta, besteak beste, emakumezkoen parte hartzea izanen du hizpide.