Gaztelun jaio zen 1919ko azaroaren 18an, baina Sunbillara ezkondu eta bortz seme-alaba, zazpi biloba eta hamaika birbiloba izan ditu
Isabel Inda Arregi Sunbillako ohorezko alkate izendatu dute bere 100. urtemugan. Isabel 1919ko azaroaren 18an jaio zen Gaztelun. 30 urterekin Sunbillako Jose Mari Elizondo Bazterrikarekin ezkondu zen eta bortz seme-alaba izan ditu: Begoña, Mari Jose, Luis, Maribi eta Joseba. Latsako eskolan hamar urtez sukaldari lanak egin zituen. Eskola itxi zenean etxea eta umeak zaintzen jarraitu zuen. Zazpi biloba eta hamaika birbiloba handi ditu Isabele eta denek gogotsu ospatu dute amatxi Isabelen mendeurrena.
Omenaldia
Udaletxean ere ongi merezitako omenaldia egin zioten Isabeli azaroaren 16an. Alkatearen eskutik, herriaren izenean lore-sorta, oroigarria, makila eta painulu bat jaso zituen larunbatean. Biharamunean, berriz ere bertze omenaldi ttiki bat egin zioten eta orduan ere bi lore-sorta jaso zituen. Ondotik familiakoekin bazkari eta egun eder batez gozatzeko aukera izan zuen, ehun urte ez baitira nolanahi ospatzen. Zorionak Isabel.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!