Nafarroako lehen mailako Aizkora txapelketaren finala jokatuko dute azaroaren 15ean Doneztebeko Ezkurra pilotalekuan. Leitzako Jon Rekondo eta Ruben Saralegi, Zigako Joxean Etxeberria, Lezaungo Juan Jose Lopez eta gaur egungo Nafarroako eta Euskal Herriko txapeldun den Otsagiko Iker Vicente ariko dira lehian eta lau kana-erdiko, lau 60 ontzako eta bi oinbiko moztu beharko dituzte. Txapelketa 18:00etan hasiko da. Herri-kirol jaialdiaren barne, harri-jasotze erakustaldia eskainiko du Mikel Lopetegi Urrak. Sarrera 15 euro ordaindu beharko da.