Bertzetik, aldatu egin dute puntuazio sistema. Orain arte egin bezala, partida bakoitzeko bikote irabazleak lau puntu jasoko ditu, eta galtzaileak, egindako tantoen araberakoak. Baina, aurten, banakako lana ere hartuko dute kontuan. Honela, neurketa batean tanto gehien egiten duten aurrelariek eta atzelariek bertze lau puntu jasoko dituzte, eta bertze biek, bi. Hamar partidatan banaka eta binaka lortutako puntuak batuko dituzte, eta gehien dituzten hiru aurrelari eta atzelariak sailkatuko dira finalerdietako ligaxkarako. Ligaxka abenduaren 12an, 14an eta 21ean jokatuko dute, eta bikoteak sailkapenaren arabera osatuko dituzte. Galarretan jokatuko dituzte partida guztiak.
Bortz bikote ariko dira lehian eta eskualdeko hiru erremontelari izanen dira: Uterga, Endika eta Juanenea
Aldaketak izanen ditu azaroaren 14an hasi eta abenduaren 28ra jokatuko den erremonteko Binakako Txapelketak. Lehenik, bortz bikote ariko dira, iaz baino bat guttiago: Xanti Uterga doneztebarra eta Azpiroz —iazko txapeldunak—, Urriza eta Larrañaga, Matxin III.a eta Endika Urrutia saldiastarra, Ansa II.a eta Ion eta Aritz Juanenea saldiastarra eta Barrenetxea IV.a.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun