Eguraldi txarreko asteburu batean, Arabako pilotalekuak eta Bizkaikoak pilotazale askori aterpea eskaini zieten eta izan zen eskuak txaloka berotzeko moduko tantorik. Bertan jasotako emaitzen ondotik, pilota mistoko finalerdiak, 16 urtez azpikoko pilota goxoko finalerdiak eta pilota goxoko finalerdiak erabakita gelditu dira.
Azken horien artean izanen da Naroa Elizalde zubietarra, Amaia Jakaren aurka lehiatuko dena. Bestalde, Gentzane Aldai eta Ainhoa Ruiz de Infante ere aurrez aurre ariko dira. Bikote bakoitzeko irabazleen artean jokatuko da final handia.
Irantzu Etxebeste beratarrak, berriz, Gentzane Aldairen aurka galduta, ez du aurrera egiterik izan. Dena dela, nafarrak zail jarri zion Aldairi, partida ederra osatuz.