Gizarte Zerbitzuek hainbat ekitaldi antolatu ditu berdintasuna lantzeko eta horietako bat da Berdintasunari konta eta kanta tailerra. Malerreka eta Bertizaranan herriz herri eginen dute eta larunbat honetan Beintza-Labainek hartuko du lekukoa. Tailerra Haizea Loirak gidatuko du; ipuin bat kontatuko du eta hortik abiatuta berdintasunaren inguruan hausnartuz, esaldiak osatzeko aukera izanen dute bildutakoek. Bukaeran, kanta sortu eta grabatuko dute.
Urriaren 6an Donamarian egin zuten tailerra eta urriaren 25ean Ezkurran eginen dute.