Kirol-elikadurari buruzko lehendabiziko solasaldiak interesa piztu du

Hurrengo saioa ortziralean izanen dute.

‘Kirolerako elikadura’ goiburupean solasaldiak antolatu ditu Erreka elkarteak Doneztebeko Udalaren laguntzarekin. Irailaren 27an izan zuten lehendabiziko hitzordua eta urriaren 4an, ortziralean, izanen dute bigarrena.

Irailaren 27ko lehen hitzaldian ‘Garrantzi erlatiboko piramidea’ izanen zuen hizpide Lorea Agirrek, kaloriak, makromantenugaiak, maiztasuna, gehigarriak eta likidoak. Era berean, elikadura eta kirolerako fisiologiari buruzko oinarrizko aholkuak eskaini zituen, zer diren eta zertarako balio duten makromantenugaiak azalduz. Azkenik, kirolarien oinarrizko dietan jarraitu beharreko sei arauak eman zituen. Interesa piztu zuen hitzaldiak eta hurrengorako gogotsu daude kirolzaleak.

Urriaren 4an, heldu den ortziralean, bigarren hitzaldian, masa koipetsua nola galdu eta masa muskularra nola irabazi azalduko du. Izen-ematea Erreka elkartearen webgunean (www.erreka.org) edo Kimetz belardendan egin daiteke (lorea@kimetzbelardenda.com) eta doan izanen da.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun