Europako Hizkuntzen Egunarekin bat eginez, ortzegun honetan, hilak 26, hasiko da EUNICek antolatutako bederatzigarren Transpoesie poesia jaialdia. Aldi honetan, 22 herrialde eta eskualdek bat egin dute jaialdiarekin eta olerkiak jatorrizko hizkuntzetan entzuteko aukera izanen da, ingelesera, frantsesera eta nederlandera egindako itzulpenekin.
Gardek lehendabiziko egunean parte hartuko du. Bere olerkiak jatorrizko hizkuntzan irakurriko ditu eta aldi berean, itzulpenak eskainiko dituzte. Berekin batera, Jan Skrob poeta txekiarrak, Lic Maria Roadottir Jaeger Feroe Uharteetako artistak, Elmar Kuiperrek (Herbehereak) eta Edna Azulayk (Herbehereak) parte hartuko dute.