Nazioarteko Erremonte Zirkuituaren helburua erremontistarik erregularrena izendatzea da eta horren baitan, sei jardunaldi jokatu dituzte dagoeneko. Azkena irailaren 22an Bartzelonako Vall d'Hebronen egin zuten. Emozio handiko triangularra jokatu zuten hiru bikotek eta tartean ziren Xanti Uterga eta Jose Jabier Etxeberria III.a doneztebarrak.
Urriza eta Ionek kanporaketako bi partidak irabazi zituzten, Ansa II.a eta Etxeberria III.aren aurka 20-1o irabazi zuten eta Uterga eta Azpirozen kontra 20-14 nagusitu ziren. Jardunaldiko hirugarren partida Utergak eta Azpirozek irabazi zuten, 20-12, Ansa II.a eta Etxeberria III.aren kontra.
Sailkapena
Orain arte jokatutako kanporaketak kontuan hartuz, aurrelarien sailkapenean Urriza dago lehenbiziko postuan, eta eskualdeko erremontisten kasuan, Uterga laugarrena da, Aritz Juanenea saldiastarra bosgarrena eta Josetxo Ezkurra II.a doneztebarra seigarrena. Atzelarien kasuan, berriz, Ion da sailkapenean buru eta Etxeberria III.a hirugarrena da.
Atzelarien sailkapena, orain arte:
SAILKAPENA | ERREMONTISTA | IRABAZITAKO PARTIDAK | GALDUTAKO PARTIDAK | ALDEKO TANTOAK | KONTRAKO TANTOAK |
1. | ION | 8 | 2 | 183 | 158 |
2. | AZPIROZ | 4 | 4 | 125 | 118 |
3. | ETXEBERRIA III. a | 3 | 7 | 164 | 190 |
4. | AGIRREZABALA | 0 | 2 | 30 | 40 |
Aurrelarien sailkapena, orain arte:
SAILKAPENA | ERREMONISTA | IRABAZITAKO PARTIDAK | GALDUTAKO PARTIDAK | ALDEKO TANTOAK | KONTRAKO TANTOAK |
1. | URRIZA | 4 | 0 | 80 | 60 |
2. | ZEBERIO II.a | 3 | 1 | 77 | 69 |
3. | ANSA II.a | 2 | 2 | 62 | 62 |
4. | UTERGA | 2 | 4 | 122 | 104 |
5. | JUANENEA | 2 | 4 | 101 | 111 |
6. | EZKURRA II.a | 2 | 4 | 94 |
110 |