Kirolerako elikadurari buruz doako solasaldiak antolatu ditu Erreka elkarteak Donezteben

Kimetz belardendako Lorea Agirrek eskainiko ditu solasaldiak.

Lorea Agirrek eskainiko ditu irailaren 27an eta urriaren 4an

‘Kirolerako elikadura’ goiburupean solasaldiak antolatu ditu Erreka elkarteak Doneztebeko udalaren laguntzarekin. Kimetz belardendako Lorea Agirre izanen da hizlari irailaren 27an eta urriaren 4an, 19:30ean herrigunean.

Irailaren 27ko lehen hitzaldian ‘Garrantzi erlatiboko piramidea’ izanen du hizpide Lorea Agirrek, kaloriak, makromantenugaiak, maiztasuna, gehigarriak eta likidoak. Era berean, elikadura eta kirolerako fisiologiari buruzko oinarrizko aholkuak eskainiko ditu, zer diren eta zertarako balio duten makromantenugaiak azalduz. Azkenik, kirolarien oinarrizko dietan jarraitu beharreko sei arauak emanen ditu.

Urriaren 4ko bigarren hitzaldian, masa koipetsua nola galdu eta masa muskularra nola irabazi azalduko du.

Izen-ematea Erreka elkartearen webgunean (www.erreka.org) edo Kimetz belardendan egin daiteke (lorea@kimetzbelardenda.com) eta doan izanen da.

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun