IRAILAK 26, ORTZEGUNA
18:00etan haurrendako puzgarriak paratuko dituzte eta 20:00etan txupinazoa botako dute. Ezkilak jo ondotik, 20:15ean herri-kirol apustua eginen dute herriko gazteek. 21:00etan Zopak dastatzeko aukera izanen dute Herriko Ostatura hurbiltzen direnek, eta gauerditik aitzinera Modesto akordeoilariarekin dantzaldia izanen da plazan, 05:00 arte.
IRAILAK 27, ORTZIRALEA, HAURREN EGUNA
Haurrak izanen dira eguneko protagonista nagusiak. 10:30ean haurrendako jokoak izanen dituzte eta horrez gain, goizez eta arratsaldez puzgarriak izanen dituzte. 11:00etan mus txapelketa hasiko da eta 12:00ean luntxa eskainiko dute Herriko Ostatuan. Giroa alaitzeko herriko trikitilari gaztetxoak ere han izanen dira. 17:00etan, herriko dantzariek erakustaldia eskainiko dute, eta 20:30ean, zezensuzkoa aterako da. 21:00etan gazteak mahaiaren bueltan bilduko dira afaltzeko eta musika ere ez da faltako: 20:00etatik 22:00etara eta 00:00etatik 03:00etara Frantzisko musikariarekin dantzaldia izanen da.
IRAILAK 28, LARUNBATA HERRIAREN EGUNA
Goizez eta arratsaldez puzgarriak izanen dituzte eta 14:00etan herri-bazkaria eginen dute Jexux Mari Irazu eta Iker Zubeldia bertsolariekin. Ondotik, Modesto musikaria ariko da. 00:00etatik 05:00etara Gabenara taldeak dantzaldia eskainiko du.
IRAILAK 29, IGANDEA
10:00etan mus txapelketako finala jokatuko dute eta 12:30ean aizkora apustua hasiko da: Eneko Saralegi eta Iker Vicente, Mikel LarraÒaga eta Joxean Etxeberriaren kontra ariko dira. 17:00etan, berriz, Doneztebeko dantza taldeak saioa eskainiko du eta 18:30ean Los Tajudos del Norte mariatxi taldearen doinuekin gozatzeko aukera izanen dute. 21:00etan tortilla eta postre lehiaketak eta bingoa eginen dituzte. Egun horretan ere, goizez eta arratsaldez puzgarriak izanen dira.
IRAILAK 30, ASTELEHENA
Bestetako hondarreko eguna herria garbitzeko izanen da eta gosaria ere eginen dute.