Ramoni Ordoki gidari dutela, irailean jubilotekarekin hasi dira Donezteben, Zubietan, Sunbillan eta Ezkurran. Donezteben astelehenetan eta ortziraletan 10:00etatik 12:30era, Sunbillan asteartetan eta ortziraletan 10:00etatik 12:30era, Zubietan asteartetan 16:00etatik 18:30era eta Ezkurran asteazkenetan 10:00etatik 12:30era eta ortzegunetan 16:00etatik 18:30era biltzen dira.
Bi ordu terdi hauetan hainbat gauza egiten dituzte: ariketa fisikoak (gorputza ahal den neurrian mugitu), kafetxoa hartu eta solastu, ariketa kognitiboa (arreta eta oroimena landu ahal den neurrian, bakoitzaren egoera kontutan hartuta), mandala eta jokoak. Azkenean, Ramoni Ordokik aipatu digunez, «denbora-tarte goxo eta abesgarri bat jende artean pasatzea da asmoa».
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.