Joaldunen hitzordu handia irailaren 21ean izanen dute Iturenen

Ttipi-Ttapa 2019ko ira. 19a, 08:30
Berriz ere joaldunek eskainitako eguna ospatuko dute Iturenen.

Aitor Sarriegi eta Jon Maiak girotuko dute larunbateko Joaldunen Eguneko bazkaria. Txartelak Herriko Ostatuan eskura daitezke

Bertze urte batez, Joaldunen Eguna ospatuko dute irailean herrian. Hilaren 21ean izanen da aurten eta herritarrak egun osoko besta antolatzen ari dira. Ohi bezala, larunbatean goizean goiztik joaldunak eta herriko trikitilariak Ameztiko baserrietan barrena ibiliko dira. Eguerdian, 13:30 aldera, aizkora apustua jokatuko da. Xanta Sousa eta Nerea Sorondo Itxaso Onsalo eta Leire Astiazaranen aurka ariko dira aizkoran. Ondotik, Xabier Ariztegik Santxinek harri-altxatze erakustaldia eskainiko du.

Ondotik, Aitor Sarriegi eta Jon Maia bertsolariek girotutako herri bazkaria eginen dute, plazan (txartelak Herriko Ostatuan eskura daitezke, irailaren 20ra arte). Mahai-inguruan kanta eta bertsoez gozatu ondotik, Salaberri akordeoilariaren txanda izanen da.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun