Office 365 programari buruzko hitzaldia urriaren 9an Donezteben

Ofimatikako tresnekin lan egiten duten eta hodeian bestelako funtzionaltasun batzuk ezaugutu eta aplikatu nahi dituztenei bideratuta daude.

Parte hartzea doakoa izanen da eta aitzinetik izena eman behar da.

Club de Marketing eta Cederna Garalur Elkartearen eskutik, Office 365 programari buruzko hitzaldia izanen dute urriaren 9an Donezteben. Malerrekako Mankomunitatearen egoitzan bilduko dira 16:30ean.

Hitzaldia ofimatikako tresnekin lan egiten duten eta hodeian bestelako funtzionaltasunak (datuak biltegiratzea, informazioa eta lan-egutegiak partekatzea, datu-analisiak eta bestelakoak) ezagutu eta aplikatu nahi dituztenei bideratuta dago.

Saioak Diego Perez Randezek emanen ditu, informatikan lizentziadun, NUPko irakasle elkartu eta Office 365 programan adituak.

Jardunaldiak doakoak izanen dira, eta enpresa-sentsibilizazioko programak (2019) diruz laguntzen du %100ean. Saioetan, lehentasunez, Nafarroako enpresetako langileek eman ahal izanen dute izena, baita Nafarroako enplegu bulegoetan enplegu-eskatzaile gisa izena emana duten langabetuek ere.

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun