Izan ere, ez du batere gustuko «etxean sartuta, ikasten orduak pasa behar izatea». Gauzak egin zalea da, argi dio: «ez dut aspertzeko denborarik eduki nahi» eta horregatik, eskolaz kanpoko hainbat jarduera egiten ditu: «ingeleseko eta matematikako klaseetara joaten naiz, osagarri bezala, eta euskal dantzetan ere banabil».
Horretaz gain, «astean behin herriko bertze emakume batzuekin elkartzen naiz korrika egitera joateko». Gauza berriak probatu zalea ere bada, hala aipatu digu, «aurten badut asmoa lagun batekin igeriketan hasteko». Agenda bete-betea izanen du eta badaki, «guztia egin ahal izateko, ongi antolatu» beharko duela.