IRAILAK 6, OSTIRALA
16:00etan mus txapelketa jokatuko dute eta 18:00etan pilota partidak hasiko dira: lau eta erdian, alde batetik, Elizalde zubietarra eta Aldaregia ariko dira eta bestetik, Lerena eta Espinal. 20:00etatik aurrera eta gauez Oharkabe taldearekin dantzaldia izanen da.
IRAILAK 7, LARUNBATA
11:30ean Turuta txarangak herri ingurua alaituko du eta ondotik bazkaria eginen dute. 17:30etik 19:00etara Los Cazahuetes mariatxi taldeak emanaldia eskainiko du eta gauez Kenbat taldearekin dantzaldia izanen da.
IRAILAK 8, IGANDEA
11:00etan hasita puzgarriak izanen dituzte egun osoan. Ordu berean, meza hasiko da eta 12:00etan aizkora apustua, tortilla lehiaketa eta sagardo dastaketa eginen dituzte. Aizkora apustuan, Julen Alberdi eta Kañamares, Jon Rekondo leitzarraren eta Palaxio zubietarraren kontra ariko dira. 17:00etan ipuin-kontalaria gonbidatu dute eta ordu berean, lau eta erdiko beste partida bat ikusteko aukera izanen da: Arribillaga eta Anso. Festak borobiltzeko, 18:30ean Bankako Menditarrak taldeak elizan kantaldia eskainiko du eta ondotik, luntxa eskainiko dute.