Ortzirale arratsaldetik igande arratsa bitarte, irailaren 6tik 8ra, bestak ospatuko dituzte oiztarrek, eta hiru egunetarako haur, gazte eta helduendako hainbat ekitaldi prestatu dituzte.
IRAILAK 6, ORTZIRALEA
20:00etan herriko trikitilariak herrian barna kalejiran ibiliko dira bestei hasiera emanez. 21:00etan afaltzeko zopak izanen dira Herriko Ostatuan (erreserbak egin daitezke). 00:00etatik aitzinera Iñaki DJa ariko da musika paratzen.
IRAILAK 7, LARUNBATA
11:00etan mus txapelketa jokatuko dute. 17:00etatik aitzinera, berriz, haurrendako eta helduendako jokoak izanen dira. Ondotik, txokolate beroa eskainiko dute ostatuan. 21:00etan patata tortilla lehiaketa hasiko da eta 22:00etan afari-merienda eginen dute. Tortillaz gain, xingarra, solomoa eta txistorra aterako dute jateko. Eguna borobiltzeko, arratsaldez eta gauez dantzaldia izanen da Gabenara taldearekin.
IRAILAK 8, IGANDEA
11:00etan meza izanen da eta txistulariak ere ariko dira. Ondotik, luntxa eskainiko dute Herriko Ostatuan. 13:00etan aizkolariek apustua jokatuko dute: Tito eta Jazinto, Miguel Angel eta Asierren kontra ariko dira. 14:00etan bertsolariekin batera mahaiaren bueltan bilduko dira herritarrak, herri- bazkaria eginen baitute Jon Maia eta bertze bertsolari batekin eta Mikel Salaberri soinulariarekin. 21:00etan afari-merienda eginen dute eta gauerdian Gaixoa Ni kantatuz emanen diete bestei bukaera.
Udaletik jakinarazi dutenez, bestetako hiru egunetan haurrendako puzgarriak paratuko dituzte.