Laguntza lortzeko baldintzetako bat Malerrekako Mankomunitatea osatzen duten udalerrietako batean erroldatua egotea izanen da eta ikastaroan izandako asistentzia mailaren arabera jasoko da. Dirulaguntza matrikularen kostu osoaren adinakoa izanen da ikastaroan izandako asistentzia %85etik goitikoa denean; matrikularen kostuaren %75a izanen da ikastaroan izandako asistentzia %70-%85 bitartekoa denean eta ez da laguntzarik jasoko ikastaroan izandako asistentzia %70etik beherakoa denean. Gehienez ere laguntza 380 eurokoa izanen da.
Eskabideak eta dokumentazioa urriaren 2a baino lehen aurkeztu beharko dira. Informazio gehiago: www.malerrekakomankomunitatea.eus.