Partidaren lehen zatian jaun eta jabe izan zen Ezkurra II.a, eroso ibili zen, baina azkenean korapilatu egin zitzaion garaipena. Honela, 22-11 irabazten egon zen Ezkurra II.a baina bi tantora hurbildu zitzaion Azpiroz (26-24). Orduan errebote bat kanpora joan zitzaion Azpirozi eta arnas hastu zuen doneztebarrak. Tanto bat gehiago egin zuen Azpirozek, baina garaipenak ez zion alde egin Ezkurra II.ari (30-25).
Ezkurra II.a ongi ibili zen piloteoan, baina sakeareki ez zuen asmatu. Piloteoan 18 tanto egin zituen (9 Azpirozek), baina sakearekin lau tanto egin eta hiru galdu zituen Doneztebekoak eta, aldiz, zortzi tanto egin zituen Azpirozek.
Orain, larunbatean Azpiroz Ansa II.aren kontra ariko da eta asteartean Ezkurra II.a, Ansa II.aren kontra.