Txartelak salgai
Haur, guraso, familiako zein lagunei parte hartzeko gonbidapena luzatu diete. 13:30ean zehaztu dute hitzordua. Bazkarira joan nahi dutenek txartelak Fondan eros ditzakete 10 eurotan. Esertzeko tokia, makarroiak eta albondigak izanen dituzte trukean eta izozkia, ogia eta edaria guraso elkartearen kontura izanen dira. Txartelak erosteko azken eguna abuztuaren 8a izanen da. Bazkaria aitzinera ateratzeko gutxiengo batek izen-ematea ezinbertzekoa izanen da. Horrela ez bada, ekitaldia bertan behera geldituko da.
Bingoa eta herri-kirol desafioa
Bazkalondoan, bingoa izanen dute, Fondako terrazan eta herri-kirol desafioa ere eginen dute: guraso eta seme-alabak elkarrekin lehiatuz.