Formato berezia
Txapelketak formato berezia izanen du aurtengoan, joan den urteko sailkapena kontuan hartuta. Lehenbiziko fasean sei erremontelari ariko dira, bi multzotan banatuak. Multzo horietako batean daude Juanenea, Aizpuru II.a eta Arruarte eta bertzean Larrañaga, Goikoetxea V.a eta Garces. Denak denen kontra ariko dira eta multzo bakoitzeko erremontelari bana sailkatuko da final zortzirenetarako. Juaneneak larunbatean jokatuko du lehenbiziko partida Goikoetxea V.aren kontra. Koxka horretan Ansa II.arekin ariko dira bi sailkatuak, denak denen kontra. Irabazlea final-laurdenetan sartuko da, Azpiroz eta Ezkurra II.arekin batera. Hemen ere denak denen kontra ariko dira eta irabazlea azken ligaxkarako sailkatuko da. Ligaxka horretan zain izanen ditu Urriza, Endika eta Barrenetxea IV.a. Hemen ere denaj denak denen kontra ariko dira. Irabazlea zuzenean finalerako sailkatuko da eta laugarrena txapelketatik kanpo geldituko da. Bigarrenak eta hirugarrenak finalerdia jokatuko dute eta irabazlea irailaren 14an jokatuko den finalerako sailkatuko da.