Uztailaren 25ean, ortzegunean 18:00etan Iriarte pilotalekuan Maika Ariztegi iturendarra eta Luzia Etxeberria goizuetarra izanen dira eskualdeko ordezkariak
Emakumezkoen Nafarroako koxkor-biltze txapelketa jokatuko da uztailaren 25ean, ortzegunean 18:00etan Elizondoko Iriarte pilotarlekuan, Elizondoko Santiago besten egitarauaren barrenean. Guar egun txapelduna den Maika Ariztegi iturendarra eta Goizuetako Luzia Etxeberria hasi berria izanen dira eskualdeko ordezkari bakarrak.
Iturengo txapeldunarekin eta goizuetarrarekin batera, Eltsoko Ainhoa iraizoz eta Antsoaingo Irune Biurrun eta Irantzu Anaut ariko dira. 50 koxkor bildu beharko dituzte, 1,25 metrora jarriak bi lerrotan.
Maika Ariztegik hamabortz aldiz irabazi du Euskal Herriko koxkor biltze txapelketa eta Nafarroakoa ere, parte hartu duen guztietan lortu du. Adinean goiti joan arren, bera izanen da berriz ere faborito.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.