Lehenbiziko bi partidak irabazi zituen Zeanurik eta hortaz, txapela segurtatu zuen azken partida jokatu baino lehen. Kadetetan, espero bezala, Zeanuriko Erkiagak eta Emaldik erraz irabazi zieten Doneztebeko ordezkariei, Mikelarena eta Garañori, 22-5. Jubenil mailan zegoen giltza eta kategoria honetan ere bizkaitarrak nagusitu ziren. Urigoitiak eta Erkiagak 22-11 irabazi zieten Loiarte eta Agirreri. Hortaz, senior mailako partida jokatu aitzinetik txapela Bizkaira joanen zela jakina zen. Azken partida horretan, Doneztebeko bikotea nagusitu zen. Barandiaran eta Gorritik 22-16 irabazi zieten Mendia eta Beldarraini.