Emozioa izan zuen finalak, baina gorriak nagusi izan ziren partida guztian. Ansa II.a urduri aritu zen eta normalean baino hutsegite gehiago egin zituen. Bosnako berdinketaren ondotik, Ezkurra II.ak eta Endikak bospasei tantoko aldea hartu zuten. Alderik handiena 29-20koan izan zuten, baina urdinak ernatu ziren, Ansa II.a lsaitu eta Barrenetxea dominatzen hasi zen, 29-27ra eta 33-31ra hurbiltzeko. Baina gorriek lanean segitu zuten eta bortz tantoko aldea hartu zuten. Baina berriz ere kontuak estutu ziren, 38-37 eta 39-38koan. Azken tantoa, ordea, Malerrekako erremontelarien alde erori zen eta bigarrenez txapela lortu zuten. Hain zuzen, peñetako ordezkariarekin batera, urtetan Euskadi Irratiko esatari izan den Iñaki Elortza Txapas izan zen sariak ematen.
Ansak eta Ezkurrak hamaseina tanto egin zituzten, baina bikoitza galdu zuen urdinak. Barrenetxeak bederatzi tanto egin zituen jokoan, eta Endikak lau bertzerik ez, baina hasierako hutsegiteak garesti ordaindu zituen Gipuzkoako bikoteak.