Doneztebekoak eta Saldiaskoak, Ansa II.a eta Barrenetxea IV.a gipuzkoarrak izanen dituzte arerio Uharteko Euskal Jai pilotalekuan (16:30)
Josetxo Ezkurra II.a doneztebarrak eta Endika Urrutia saldiastarrak iaz lortutako txapela mantentzen saiatuko dira sanferminetako erremonte txapelketan. Uztailaren 11n, ortzegunean 16:30ean hasiko den jaialdiko partida nagusian Ansa II.a eta Barrenetxea IV.a izanen dituzte arerio.
Finalaurrekoetan, Urriza eta Etxeberria III.ari 40-26 irabazi zieten Ezkurra II.ak eta Endikak. Ansa II.ak eta Barrenetxea IV.ak, berriz, 30-40 irabazi zieten Uterga eta Ioni. Hortaz, finalaren ondotik, hirugarren posturako lehia jokatuko dute Urriza eta Etxeberria III.ak, Uterga eta Ionen kontra.
Jaialdia irekiko duen partidan, Goikoetxea V.a eta Garcés, Azpiroz eta Labakaren kontra ariko dira.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.