Billy & Bloomfish taldea eta Pottoka ostiralean Zubietan

Ttipi-Ttapa 2019ko uzt. 9a, 10:30
Errandonea ostatuan dute hitzordua.

Aurretik, 21:00 aldera, afaria eginen dute Errandonea ostatuko atarian.

Heldu den ostiralean, uztailaren 12an, Billy & Bloomfish talde belgikarrak eta Pottoka musikari amaiurtarraren doinuak bateratuko dira Zubietan.

Izan ere, biak uztartuz, kontzertua eskainiko dute Errandonea ostatuko atarian.  23:00etan dute hitzordua.  Joan ezin dutenek biharamunean, uztailaren 14an, Elizondoko Itzalargiko bordan ere izanen dute aukera. Iluntzeko 19:00etan hasiko dira.

Zubietarrek, emanaldi hori aitzakiatzat hartuz, kontzertuaren aurretik, 21:00 aldera, Errandonea ostatuko atarian afaria eginen dute. Izena eman nahi dutenek bertara joz edo telefonoz deituz eman dezakete izena.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun