Gaur goizean, gaztetxoak harat-honatean ibili dira. Goizean buruhandietatik ihesi ibili dira, segidan, udal ttikia osatu dute eta goiza 14:00etako bazkariarekin borobilduko dute.
Arratsaldean gehiago!
16:00etan, Gazte Burrunbak antolatuta, mus txapelketa izanen dute. Ordu berean, haur-jolasetan ibiltzeko aukera izanen da, Bear Zanan. Udal ttikiaren hasiera, diploma-banaketa eta botere-itzulera ere izanen dira. Arratsaldez Aurorak eta Elutxa txarangarekin poteo alaia eginen dute eta 20:00etan Plaza irrintzika taldearekin haurrendako dantzaldian bilduko dira, Santa Luzia plazan. 22:15ean suzko zezenak mugiaraziko ditu gaztetxoak, Bear Zanan. 00:00etan, berriz, Endara Dj-ak hartuko du lekukoa.
Bihar, hondarreko eguna
Asteartea izanen dute hondarreko eguna. 09:00etan diana izanen dute, Elutxa txarangarekin. 10:00etan herri-gosarian bilduko dira, Intzakardin. 14:00etan, berriz, herri-bazkaria izanen dute Intzakardin: kaldereteak. Bazkalondoan erreka-igoera eginen dute, eta 20:00etan, berriz, La Jodederaren erritmoak hartuko du Santa Luzia plaza. 22:15ean suzko zezena harat-honatean ibiliko da Bear Zanan. Ondotik, Elutxa txarangarekin kalejira egin ondotik, Santa Luzia plazan Gaixoa ni kantatuz agurtuko dituzte bestak.