Espero bezala, larunbatean Doneztebek ez zuen arazorik izan Ultzama menpean hartzeko eta lau garaipen lortu zituen alebinetan (18-15), infantiletan (18-14), jubeniletan (22-10) eta seniorretan (22-21).
Igandean lan gehiago eman zion Baztanek Iruñeari. Izan ere, alebin mailako partida erraz irabaziz hasi ziren baztandarrak (3-18), baina bertze hiruak galdu egin zituzten, infantiletan (18-5), jubeniletan (22-6) eta seniorretam (22-4).
Finala uztailaren 5ean
Aipatu bezala, Nafarroako Herriarteko pilota txapelketaren finala uztailaren 5ean, 16:30ean jokatuko dute Labrit pilotalekuan. Azken hiru urteetan ere Doneztebe eta Iruñea izan dira aurrez aurre. 2016 eta 2017an Doneztebe nagusitu zen eta iaz Iruñea.