Ekainaren 22an, berriz, arratsaldez, gazteendako Las hadas del abanico verde eta West side history eta helduendako Luces Cámara antzezlanak ikusteko aukera izanen da Firin Farandula antzerki taldearen eskutik. 18:30ean izanen dira zineman. Gauez, berriz, Ezkurra pilotalekuan dute hitzordua. Berriz ere anfiteatro bikaina bihurtuko da Lertxundi handiaren emanaldia eskaintzeko. Duela hiru urte bezala, oriotarrak eta bere taldeak kontzertu itzela oholtza gainean eskaintzeko asmoa dute. 22:00etan hasiko da emanaldia eta sarrerak aitzinetik erosita 22 eurotan daude (Ostiz liburu-dendan, Titi ostatuan eta www.entradium.com webgunean) eta leihatilan 25 eurotan salduko dira.
Biharamunean suak eta afaria
Asteburua borobiltzeko, ekainaren 23an, San Juan suak eta afari autogestionatua eginen dituzte ikastetxeko jolastokian, 21:30ean.