Egitaraua
Goizean, 08:00 aldera, muntaketa-lanetan hasiko dira eta hortik aitzirena bazkaria prestatzeari ekinen diote. 13:00etan festari hasiera emateko txupinazoa botako dute eta 14:00 inguruan mahaiaren bueltan bilduko dira, bazkaltzeko. Bazkarian kantu eta dantzarako aukerarik ez dute faltako, musika lagun izanen baitute. Era berean, Alazne Untxaloren, Iker Gorosterrazuren eta Aitor Larretaren eskutik, bertsoez gozatzeko aukera izanen dute. Arratsaldea bertan pasatuko dute eta nahi duenak merienda-afari gisa mokadutxoren bat dastatzeko aukera ere izanen du.
Izen-ematea
Izena emateko Herriko Ostatura, okindegira eta Errandoneara jo behar da. Helduek 25 euro eta haurrek 12 ordaindu beharko dituzte.