Doneztebeko Agorreta musika eskolako matrikula epea zabalik dago ekainaren 14ra arte

Ttipi-Ttapa 2019ko eka. 3a, 20:00
Agorreta Musika Eskolako ikasleen audizio bat, 2003. urtean.

Agorreta Musika Eskolako 2019-20 ikasturterako ohiko matrikulazio epea zabaldu du Doneztebeko Udalak. Ikasle arituak ekainaren 1era arte matrikulatzen ahal ziren, berriek, berriz, ekainaren 14ra arte epea zabalik izanen dute. 

Eskaintzari dagokionez: alde batetik, instrumentuak ikasteko aukera izanen da: gitarra, gitarra elektrikoa, perkusioa, pianoa, trikitixa, akordeoia eta txistua. Bertze aldetik, haur abesbatzarako ere izena ematen ahal dute. Kantatzea gustuko duten haur edo gaztei zuzendutako eskaintza da. Hamabi urte edo gehiago dutenek solfeorik edo hizkuntza musikalik gabe instrumentua jotzen ikasteko aukera ere badute. Eta akitzeko, instrumentu bat jo edo berreskuratu nahi duenak ere izena eman dezake.

 

Informazio gehiago

Eskaintzari buruzko argibideak eskuratzeko 636 66 97 50 telefonora deitu, bertara jo edo esmusidoneztebe@gmail.com  helbidera idatzi beharko da. Irailaren 2tik 13ra epe berezia irekiko dute.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun