Pisu astunenetako txapelak jantzi ondotik, orain pisu arinenetakoak lortzen saiatuko dira Lesakako taldeak. Gizonezkoetan zazpi talde lehiatuko dira: Beti Gazterekin batera, Txantrea, Kaskallueta, Antsoain, Berriozar A eta Berriozar B, eta Araxes. Emakumezkoetan bi talde jarriko dituzte goma gainean Beti Gaztek eta Antsoainek. Txantreak eta Berriozarrek talde bana izanen dute. Kadete mailan ez da eskualdeko ordezkaritzarik izanen. Arexes, Berriozar, Andra Mariko hiru talde eta Antsoaingo bi lehiatuko dira.
Kategoria hauetako bigarren jardunaldia, eta gizaseme nahiz emakumezkoen finalak maiatzaren 18an jokatuko dituzte Antsoainen. Nafarroako 4x4 txapelketa bukatzeko maiatzaren 25ean Berriozarren jokatuko dute txapelketa mistoa jardunaldi bakarrean. Beti Gazteko bi talde eta Txantrea, Berriozar eta Antsoaingo hiruna lehiatuko dira.