Gogoa eta ilusioa badituzten arren, «inplikazioa eta laguntza» ezinbertzeko zaiela adierazi dute. Hortaz, Gazte Burrunba indartzeko bilera irekiak egiteko asmoa adierazi dute. Horren bidez, «elkartean solastatzen denaz informatzea» lortu nahi dute. Era berean, bilera horietan «bazkideen ekarpenak eta ideiak» jasoko dituzte.
Izen-ematea zabalik maiatzaren 31ra arte
Hori guztia aitzinera ateratzeko bazkide egiteko gonbidapena luzatu nahi izan dute. Interesa dutenek Gazte Burrunbara idatz dezakete (gazteburrunba@gmail.com). Honakoak dira eman beharreko datuak: izen-abizenak, telefono zenbakia eta kontu-korronte zenbakia. Maiatzaren 31ra arteko epea izanen dute eta urtean 20 euro ordaindu beharko dituzte. Informazio gehiago jaso nahi dutenek Maider Omarri (639 83 14 14), Jabi Apeztegiari (682 41 02 39) edo Julen Retegiri (676 85 51 02) dei diezaiokete.