Argi berria
Artisautzatik bizi daitekeela uste du doneztebarrak, baina «denbora eta dedikazio guztia» eskaini behar delakoan dago. Hala ere, gaineratu duenez, «tamalez, ez dugu laguntza haundirik lanbide honetara guztiz dedikatzeko». Bere «inguruko artisau gehienak mundu horretan afizioz murgiltzen» direla dio, «gustuko ditugun eskulanak egiten ditugunez, kalera ateratzen gara bezeroei eskaintzeko». Bide horretan, «argitsuk eskualdean argi bat» sortu duela kontatu digu, «ilusioa piztu die zonaldeko artisauei, berriz ere lanbide honi bere lekua eta ongi pasatzeko aukera eskaintzen diona». Ilusio horri tiraka, «argitsu elkartearen proiektua eraginkorra izatea gustatuko» litzaiokeela aitortu digu, «ahalik eta artisau gehienek gurekin ateratzeko aukera izan dezaten». Bide batez, eskerrak eman nahi dizkie «eskua zabaltzen diguten udaletxe guztiei».