Interesatuek Curriculum Vitaea eta eskatutako dokumentazioaren kopia bat aurkeztu beharko dute. Maiatzaren 3ra arteko epea zabaldu dute eta dokumentuak udaletxeko bulegoetara eraman behar dira, 09:00etatik 14:00etara.
Hautaketa-prozesua
Eskatutako hizkuntza eskakizuna betetzen ez duten hautagaiek maiatzaren 8an proba baztertzaile bat egin beharko dute; eta bertzalde, hautagai guztiek maiatzaren 10ean, 11:00etan proba idatzia eginen dute herriko liburutegian.
Azken proba horretan, gehienez ere, 80 puntu eskuratu ahal izanen dituzte; gainerako 20 puntuak, berriz, lan-esperientziaren bidez lortu ahal izanen dira, honela baloratuko delarik: bertako zerbitzuan aritutako denbora (hilabete bakoitzeko puntu bat) eta bertze herri bateko zerbitzuan aritutako denbora (hilabete bakoitzeko puntu erdia).
Esperientzia hilabete osora ailegatzen ez bada proportzioa baloratuko da, eta gisa berean, lanaldi osoa ez bada, horri dagokion zenbatekoa izanen da kontuan hartuko dena.
Lan-poltsa
Lanaldirik lortu ez duten hautagaiekin lan-poltsa osatuko da, ordezkapenak edo bajak betetzeko.