28 urte eta gero eskubaloi liga irabazi du Errekak

Erreka eskubaloi taldeak liga irabazi du etxean eta ederki ospatu zuen zaleekin batera.

Doneztebeko jokatutako lauko finaleko biak irabazita, denboraldiko partida guztiak irabazi ditu 

 

Denboraldi historikoa itxi du Doneztebeko Erreka eskubaloi taldeak asteburuan herriko kiroldegian jokatutako lauko finalarekin. Lehenbiziko faseko eta txapeldunen faseko partida guztiak irabazita lortua zuen lauko finala etxean jokatzeko eskubidea eta etxean ere ez zuen hutsik egin. Larunbat arratsaldean 25-22 irabazi zion finalaurrekoan Cantolaguari eta final estuan 32-31 Loyolari. Eskubaloiaren besta handia bizitu dute asteburuan Donezteben, kiroldegia bi egunez marea urdin bihurtua eta 28 urteren ondotik, berriz ere liga irabaztea lortu du Erreka eskubaloi talde nagusiak.

 

Lauko finaleko emaitzak

Finalerdiak

  • Erreka 25 – Cantolagua 22
  • Loyola 27 – BM Iruña Eskubaloia 25

Finala

  • Erreka 32 – Loyola 31
Erlazionatuak

Final ikusgarria eskaini du Errekak

Malerreka

Erreka eskubaloi-taldeak herritarren berotasuna sentitu du asteburuan. Urdinez jantzi dira Dobeztebeko karrikak, erakusleihoak eta kiroldegia, urdi...

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun