VII. Pintxo Astea apirilaren 18tik 20ra Sunbillan

Parte-hartzaileen artean urdaiazpiko bat eta bi botila ardo zozketatuko dituzte.

Aste Saindua goxatzeko, pintxo-dastaketa izanen da Sunbillan. Ortzegunean, apirilaren 18an, abiatuko dute Pintxo Astearen VII. edizioa eta larunbatera bitarte zartaginak sutan eta mingainak prest izanen dituzte sukaldari eta bisitariek.

Ariztigain kanpinak eta Bustitz zein Fonda ostatuek parte hartuko dute eta parte-hartzaile guztien artean urdaiazpiko bat eta bi botila ardo zozketatuko dituzte. Igande ilunabarrean Ariztigain kanpinean aterako dute txartel saritua, 19:00etan.

TTIPI-TTAPA da Nafarroa Garaiko mendialdean dagoen euskarazko hamaboskari bakarra, eta zu bezalako irakurleen babesa behar du aitzinera egiteko.


Izan zaitez harpidedun