Errekako infantil mailako judokak bikain dabiltza Nafarroako Kirol Jokoetan

Errekako infantil mailako judokak, larunbatean Mendillorrin.

Iban Arambelek lehenbiziko postua lortu zuen larunbatean Mendillorriko bigarren fasean eta Maialen Maritxalarrek eta Iñigo Oteizak laugarrena

Nafarroako Kirol Jokoen baitan, judoko infantil mailako kirolariek bigarren fasea jokatu zuten larunbatean Mendillorriko kiroldegian. Doneztebeko Errekako judo eskolako judokak bikain ibili ziren. Maialen Maritxalar Pozueta 48 kiloz beheitiko kategorian lehiatu zen, Iñigo Oteiza Ollo 55 kiloz beheitikoan eta Iban Arambel Fernandez 66 kiloz beheitikoan.

Joseba Juanotenaren laguntzarekin, arras lan polita egin zuteb. Horrela, Iban Arambelek lehenengo postua lortu zuen berriz ere eta Iñigo Oteizak eta Maialen Maritxalarrek brontzeko konbateak galdu zituzten eta, beraz, laugarren postuan gelditu ziren. 

Oraindik azkeneko fasea gelditzen zaie jokatzeko, eta dominak bertan banatuko dituzte.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun