Aipaturiko udal-planeatzeak aurrez ikusten du eskola berrira zuzendutako 2.532 metro koadroko lur-eremua, gaur egun titulartasun pribatukoa dena. Udal-planeatzeak ekintza hori desjabetze sistemaren bidez gauzatuko dela ezartzen du.
Sunbillak urteak daramazki eskola berria eskatzen. Gaur egun, arauditik kanpo dauden bi eraikinetan banatuta daude ehun bat ikasle, Haur Hezkuntzakoak alde batetik eta Lehen Hezkuntzakoak bertzetik. 2016an Hezkuntza Batzordeko parlamentarien bisita jaso zuten eta hauek, instalazioen egoera kaxkarra ikusteko aukera izan zuten. Horregatik, ikastetxe berria eskatzen zuten ikasle, irakasle, guraso eta udal ordezkariek.